2015 උසස් පෙළ ගණිත අංශයෙන් ඉහළ දිස්ත්‍රික් කුසලතාවයක් මගින් පේරාදෙණිය විශ්ව විද්‍යාලයේ ඉංජිනේරු පීඨයට වරම් ලද අතර, සරසවිය තුළද ඉහළ දක්ෂතා පෙන්වමින් BSc. Electrical and Electronic Engineering උපාධිය සඳහා සුදුසුකම් ලැබීය.

2019 වසරේදී උපකාරක පන්ති ප්‍රවාහයට අත්පොත් තබන ඔහු 2020 තම ප්‍රථම කණ්ඩායම තුළින්ම දිස්ත්‍රික් #01 ප්‍රථමයන් දෙදෙනෙකු දිස්ත්‍රික් #02,#04, #05 ඇතුළු ඉහළ කුසලතා හිමි දරුවන් රැසක් නිර්මාණය කරන්නේ රසායන විද්‍යා විෂය ඉගැන්වීම සඳහාම වූ මනා දක්ෂතාවයන්, දරුවන් වෙනුවෙන්ම නිබඳවම පෙන්වන අසාමාන්‍ය කැපවීමත් නිසාය.

රසායන විද්‍යාව විෂය තුළ දරුවන්ට නීරස වූ බොහෝ කොටස් ඉතාම තාර්කිකව දරුවන්ගේ මනසට කාවද පරිදි පැහැදිලි කරමින් මෙන්ම සියලුම විෂයන්වලට විභාගය තෙක්ම සිදුකරන සාර්ථක මඟ පෙන්වීම නිසාම ඉතාමත් කෙටි කාලයකදී දකුණු පළාතේ විශාලතම රසායන විද්‍යා පන්තිය ඔහු සෙවණ යට නිර්මාණය වී හමාරය.

එමෙන්ම වසර 5ක් වැනි කෙටි කාලයකදී දිස්ත්‍රික් ප්‍රථමයන්ට එහා යමින්, දිවයිනේ #02 වන ස්ථානය, #12 වන ස්ථානය, #29 වන ස්ථානය, වැනි දිවයිනේ ඉහළ කුසලතාද වාර්තා කරමින් රසායන විද්‍යාවේ ප්‍රතිඵල වංශකතාව අලුතෙන් ලියන ඔහු, මේ වන විට අඛණ්ඩව වසර තුනක්ම දකුණු පළාතේ වැඩිම A සාමාර්ථ ප්‍රමාණයක් බිහි කරන, ඉගැන්වීම ජීවිතය කරගත්, දරුවන් වෙනුවෙන්ම කැපවෙන ගුරුවරයා වී හමාරය.